Չեմպիոնների լիգայի քառորդ եզրափակիչի առաջին հանդիպումն անցկացրին Դորտմունդի «Բորուսիան» ու «Մոնակոն»: Գերմանական ակումբի ավտոբուսի մոտ տեղի ունեցած պայթյունի հետեւանքով մեկ օր ուշ տեղի ունեցած խաղում հյուրերը հաղթանակ տարան 3:2 հաշվով, թեեւ կարող էին ավելի մեծ առավելությամբ մոտենալ պատասխան խաղին, եթե 11 մետրանոցը արդյունավետ իրացներ բրազիլացի պաշտպան Ֆաբինյոն:
«Մոնակոյի» կազմում դուբլի հեղինակ դարձավ ֆրանսիացի հարձակվող Կիլիան Մբապեն: «Բորուսիայի» կազմում աչքի ընկան ֆրանսիացի հարձակվող Ուսման Դեմբելեն ու ճապոնացի կիսապաշտպան Սինձի Կագավան: Գերմանացի կիսապաշտպան Սվեն Բենդերն էլ գրավեց սեփական դարպասը:
Պատասխան հանդիպումը ապրիլի 19-ին է:
Չեմպիոնների լիգա, քառորդ եզրափակիչ, առաջին հանդիպում
«Բորուսիա Դորտմունդ» - «Մոնակո»՝ 2:3
Ուսման Դեմբելե, 57, Սինձի Կագավա, 84 - Կիլիան Մբապե, 19, 79, Սվեն Բենդեր, 35, ինքնագոլ
Չիրացրած 11մ՝ Ֆաբինյո («Մոնակո»), 17
Հետևեք NEWS.am SPORT-ին Facebook-ում, Twitter և Telegram-ում