Գերմանիայի նորընծա չեմպիոն Լեւերկուզենի «Բայերը» կրկնել է Լոնդոնի «Արսենալի» եւ Թուրինի «Յուվենտուսի» ռեկորդային ցուցանիշը՝ առաջնությունն ավարտելով առանց պարտության։
Իսպանացի Խաբի Ալոնսոյի գլխավորած թիմը Բունդեսլիգայի 34 խաղում տարել է 28 հաղթանակ, 6 հանդիպում ավարտել ոչ ոքի։
Եվրոպայի հինգ առաջատար լիգաներում «Բայերից» առաջ այս դարում «Արսենալն» էր 2003-2004 թվականների մրցաշրջանում առաջնությունն անցել առանց պարտության եւ Թուրինի «Յուվենտուսը»՝ 2011-2012 թվակաների մրցաշրջանում։
«Բայերն» առաջին անգամ է հռչակվել Գերմանիայի չեմպիոն։ Թիմը շարունակում է պայքարը եւս երկու տիտղոսի համար։ Գերմանիայի գավաթի խաղարկության եզրափակիչում «Բայերի» մրցակիցը կլինի «Կայզերսլաուտերնը», Եվրոպայի լիգայի եզրափակիչում՝ իտալական «Ատալանտան»։
Bundesliga #DeutscherMeisterSVB #Winnerkusen pic.twitter.com/KjS1k10UFg
— Bayer 04 Leverkusen (@bayer04_en) May 18, 2024
Հետևեք NEWS.am SPORT-ին Facebook-ում, Twitter և Telegram-ում