Գեղարդ Մուսասին ու Քրիս Վայդմանը կշռվել են (ֆոտո)

Ամերիկյան Բաֆալոյում տեղի է ունեցել Հոլանդիան ներկայացնող հայ մարտիկ Գեղարդ Մուսասիի (Մովսեսյան) եւ ամերիկացի Քրիս Վայդմանի միջեւ մենամարտի կշռման արարողությունն ու հայացքների մենամարտը: 2 մարտիկների քաշն էլ 84.3 կգ է, հաղորդում է mmajunkie.com-ը:

Միջին քաշային կարգի մենամարտը տեղի է ունենա UFC 210 խառը մենամարտերի մրցաշարում, որը կանցկացվի ապրիլի 8-ի գիշերը Բաֆալոյում:

Հիշեցնենք, որ 32-ամյա Վայդմանը UFC-ի նախկին չեմպիոն է եւ տիտղոսը նվաճել էր 2013-ին: Ամերիկացին խառը մենամարտերում անցկացրել է 15 մենամարտ, տարել 13 հաղթանակ, իսկ նախորդ 2 մենամարտերում պարտվել է: 2016-ին նա անցկացրել է մեկ մենամարտ եւ նոկաուտով պարտվել կուբացի Յոել Ռոմերոյին:

Գեղարդ Մուսասին նախորդ մարտն անցկացրել է նոյեմբերի 20-ին, երբ նոկաուտով հաղթանակ էր տարել ջամայկացի Յուրայ Հոլի դեմ ռեւանշ մենամարտում:

Տեսանյութում Մուսասիի ու Վայդմանի կշռման արարողությունը՝ 25:05-ից

Հետևեք NEWS.am SPORT-ին Facebook-ում, Twitter և Telegram-ում