Ֆուտբոլի Ղազախստանի հավաքականի ավագ Բաուիրժան Իսլամխանը նախախաղային ասուլիսում անդրադարձել է Հայաստանի թիմի դեմ աշխարհի առաջնության առաջիկա ընտրական խաղին:
«Վաղը սպասվում է բարդ հանդիպում: Մեր թիմի կազմում բոլորը պատրաստ են: Մարզիչն ասել է, որ պետք է դուրս գանք խաղադաշտ եւ միշտ ցույց տանք մեր բոլոր հնարավորությունները:
Թիմում բոլորը պատրաստ են: Ցավալի էր պարտվել Կիպրոսի հավաքականին, սակայն այժմ մտածում ենք վաղվա խաղի մասին: Պետք է ուրախացնենք մեր երկրպագուներին: Հոգեբանորեն արդեն վերականգնվել ենք այդ պարտությունից հետո:
«Ալաշկերտի» դեմ Եվրոպայի լիգայի խաղերից ունեմ լավ հիշողություններ: «Ալաշկերտը» լավ թիմ է: Այստեղի ֆուտբոլը լավն է: Հայաստանում խաղացել եմ մի քանի անգամ: Այժմ պայմանագիր ունեմ «Կայրաթի» հետ, սակայն եթե առաջարկ լինի կարող եմ տեղափոխվել ավելի ուժեղ առաջնություն»,- ասաց ղազախական «Կայրաթի» կիսապաշտպանը:
Հիշեցնենք, որ Հայաստան - Ղազախստան խաղը կկայանա մարտի 26-ին Երեւանի «Հանրապետական» ստադիոնում եւ կսկսվի ժամը 20:00-ին:
Դավիթ Եղիազարյան
Լուսանկարն՝ Արսեն Սարգսյանի
Հետևեք NEWS.am SPORT-ին Facebook-ում, Twitter և Telegram-ում
12:06 , 5 մայիսի 
11:08 , 5 մայիսի 
10:36 , 5 մայիսի 
10:21 , 5 մայիսի 
09:05 , 5 մայիսի 
01:05 , 5 մայիսի 
00:52 , 5 մայիսի 
00:46 , 5 մայիսի 
00:25 , 5 մայիսի 
00:13 , 5 մայիսի 
