Լեւոն Արոնյան. Ես ու Էլյանովը գերագնահատեցինք մեր հնարավորությունները

Հայկական շախմատի առաջատար Լեւոն Արոնյանը Հոլանդիայի Վեյկ Ան Զեե քաղաքում ընթացող Tata Steel Chess սուպերմրցաշարի 5-րդ տուրում սեւ ֆիգուրներով ուկրաինացի Պավել Էլյանովի նկատմամբ հաղթանակից հետո պատասխանել է մրցաշարի մամուլի ծառայության հարցերին: 4 ոչ ոքիներից հետո Արոնյանը տարել էր առաջին հաղթանակը, իսկ հունվարի 20-ին կայանալիք 6-րդ տուրում սպիտակներով կխաղա աշխարհի չեմպիոն Մագնուս Կարլսենի հետ:

Լեւոն, վերջապես հաղթեցիր:

Այո, դա տեղի ունեցավ (ծիծաղում է):

Հիմա նորից ամեն բան հնարավո՞ր է այս մրցաշարում:

Կարծում եմ՝ երկար մրցաշարերում այնքան էլ կարեւոր չէ, թե ինչպես ես մեկնարկում: Միշտ կա կորցրածը հետ բերելու հնարավորություն:

Առաջատարի նկատմամբ հաղթանակը կարեւո՞ր է:

Առանձնակի նշանակություն չեմ տալիս դրան: Հաղթանակը մնում է հաղթանակ:

Այս պարտիայում երկար ժամանակ հավասար խաղ էր:

Երկուսս էլ գերագնահատեցինք մեր հնարավորությունները (ծիծաղում է): Նա կարծում էր, որ ավելի ուժեղ է, իսկ ես մտածում էի, որ ես եմ ուժեղ: Այո, երկար ժամանակ ընթանում էր հավասար խաղ, սակայն վերջնամասում ես հայտնվեցի ավելի բարենպաստ վիճակում:

Շնորհակալություն հարցազրույցի համար, հաջողություն:

Ձեզ եւս շնորհակալություն:

Հետևեք NEWS.am SPORT-ին Facebook-ում, Twitter և Telegram-ում