«Բարսելոնայի» արգենտինացի հարձակվող Լիոնել Մեսին ու Անտոնելա Ռոկուցոն մի քանի տարվա համատեղ կյանքից հետո որոշել են գրանցել ամուսնությունը: 2017 թվականին Արգենտինայի Ռոսարիո քաղաքում ապագա ամուսինները հարսանիք կանեն, հաղորդում է mundodeportivo-ն:
Ռոսարիոն Մեսիի եւ Ռոկուցոյի ծննդավայրն է, որտեղ էլ ծանոթացել են դեռ մանկության տարիներին: Նրանք սիրային հարաբերություններ ունեն 2000 թվականից: Մեսին ու Ռոկուցոն ունեն երկու որդի:
Հիշեցնենք, որ Մեսին Իսպանիայի ութակի չեմպիոն է, քառակի գավաթակիր, Չեմպիոնների լիգայի քառակի հաղթող, աշխարհի փոխչեմպիոն, «Ոսկե գնդակի» հնգակի դափնեկիր:
Հետևեք NEWS.am SPORT-ին Facebook-ում, Twitter և Telegram-ում