«Մանչեսթեր Յունայթեդը» դեկտեմբերի 5-ին պատմության մեջ առաջին անգամ կժամանի Օդեսա: Մեկ օր անց պորտուգալացի Ժոզե Մոուրինյոյի գլխավորած թիմը Եվրոպայի լիգայի խմբային մրցաշարի վերջին տուրում կմրցի ուկրաինական «Զարյայի» հետ:
Մանչեսթերում կայացած խաղում «Զարյան» պարտվել է 0:1 հաշվով: Փլեյ-օֆֆի ուղեգիրն ապահովելու համար «Մանչեսթեր Յունայթեդին» կբավարարի ոչ ոքի արդյունքը: «Զարյայի» համար խաղը մրցաշարային նշանակություն չունի: Թիմը խմբում վերջին տեղից բարձրանալու հնարավորություն չունի:
«Մենք սպասում ենք բարդ հանդիպում: Տանը ամեն ինչ լավ ստացվեց, բայց հիմա կլինի այլ պայքար: «Զարյան» իր երկրպագուների ներկայությամբ հեղինակության համար կձգտի հասնել արդյունքի: Խաղալու ենք բարդ եղանային պայմաններում, շատ ցուրտ է լինելու: Բայց ամեն ինչ կախված կլինի հարմարվելու մեր որակներից: Կարեւոր է նաեւ հանդիպման նշանակության գիտակցումը»,- անգլիական թիմի 21-ամյա ֆրանսիացի հարձակվող Անտոնի Մարտիալի խոսքը մեջբերում է «Մանչեսթեր Յունայթեդի» մամուլի ծառայությունը:
Դեկտեմբերի 8-ին կայանալիք «Զարյա» - «Մանչեսթեր Յունայթեդ» հանդիպումը կմեկնարկի Երեւանի ժամանակով 22:00-ին:
Հետևեք NEWS.am SPORT-ին Facebook-ում, Twitter և Telegram-ում
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
19:00 , 26 ապրիլի 
18:01 , 26 ապրիլի 
17:05 , 26 ապրիլի 
16:06 , 26 ապրիլի 
15:26 , 26 ապրիլի 
14:52 , 26 ապրիլի 
