Փոլ Սքոուլզ. «Մանչեսթեր Յունայթեդի» դեմ խաղում խաղադրույք կկատարեի «Լիվերպուլի» հաղթանակի վրա

«Մանչեսթեր Յունայթեդի» եւ Անգլիայի հավաքականի նախկին կիսապաշտպան Փոլ Սքոուլզը խոսել է «Լիվերպուլի» եւ մանչեսթերյան ակումբի միջեւ առաջիկա խաղի մասին:

«Եթե խաղադրույք կատարեի, կընտրեի «Լիվերպուլի» հաղթանակը: Մոուրինյոն «Մանչեսթեր Յունայթեդում» ոչ մի կերպ չի կարողանում կողմնորոշվել մեկնարկային կազմի հարցում: «Չելսիում» նա ուներ 13-14 խաղացողներ, որոնք առանցքային էին: Նա նրանց հանգստանալու հնարավորություն չէր տալիս նույնիսկ գավաթային խաղերում: «Մանչեսթեր Յունայթեդը» դեռ կայունանալու փուլում է: Դրա համար ժամանակ է հարկավոր»,- Սքքուլզի խոսքը մեջբերում է BBC-ն:

«Լիվերպուլ» - «Մանչեսթեր Յունայթեդ» Անգլիայի առաջնության 8-րդ տուրի խաղը կկայանա հոկտեմբերի 17-ին եւ կմեկնարկի Երեւանի ժամանակով 23:00-ին:

Հետևեք NEWS.am SPORT-ին Facebook-ում, Twitter և Telegram-ում