«Բարսելոնայի» եւ «Ռեալի» նախկին կիսապաշտպան Լուիշ Ֆիգուն հայտարարել է, որ երբեք բացասական չի արտահայտվի կատալոնական ակումբի մասին, որի երկրպագուները նրան համարում են դավաճան:
«Ես երեբք ոչ մի վատ խոսք չեմ ասի «Բարսելոնայի» մասին անկախ այն բանից, թե ինչպես է ավարտվել իմ կարիերան այդ ակումբում: Դա հրաշալի փուլ էր իմ կարիերայում, որը շատ է նպաստել իմ առաջընթացին: «Բարսելոնայում» մրցելույթներս օգնել են ինձ դառնալ իսկական պրոֆեսիոնալ: Միայն լավ խոսքեր ունեմ «Բարսելոնայի» մասին»,- 43-ամյա պորտուգալացու խոսքը մեջբերում է AS-ը:
Ֆիգուն 1989-1995-ին հանդես է եկել Լիսաբոնի «Սպորտինգում», 1995-2000-ին՝ «Բարսելոնայում», 2000-2005-ին՝ «Ռեալում», 2005-2009-ին՝ Միլանի «Ինտերում»:
Հետևեք NEWS.am SPORT-ին Facebook-ում, Twitter և Telegram-ում