Տյումենի «Ռուբինի» հոկեյիստ Ռեմիր Հայդարովը մահացել է հունիսի 29-ին Կազանում գտնվող իր առանձնատանը:
Մարզիկը գտնվել է տան բակում, երբ առանձնատունն անսպասելիորեն հրդեհվել է: Ռեմիրը փորձել է փրկել երկրորդ հարկում գտնվող հարազատներին, սակայն այդ պահին տանիքը փլվել է, ինչի հետեւանքով 34-ամյա հոկեյիստը մահացել է, հաղորդում է чемпионат. com-ը:
Ռեմիր Հայդարովը 187 հանդիպում էր անցկացրել «Ռուբինի» կազմում: Նա Կազանի հոկեյի մանկապատանեկան դպրոցի սան էր: Նախորդ երկու առաջնություններում հոկեյիստը հավաքել էր 32 (14+18) միավոր:
Հետևեք NEWS.am SPORT-ին Facebook-ում, Twitter և Telegram-ում