Ռոբերտո Կարլոսը բացատրել է, թե ինչու է «Ռեալն» ուժեղ «Բարսելոնայից»

Մադրիդի «Ռեալի» եւ Բրազիլիայի հավաքականի լեգենդար պաշտպան Ռոբերտո Կարլոսը կարծում է, որ այժմ Արքայական ակումբն ուժեղ է «Բարսելոնայից»:

«Իսպանիայի առաջնությունում ու Չեմպիոնների լիգայում չեմպիոնական պայքարը դեռ ընթանում է: «Ռեալը» մնում է «Ռեալ»: «Բարսելոնայում» միայն խոսում են 3 ֆուտբոլիստների մասին, իսկ «Ռեալում»՝ մի խումբ խաղացողների: «Ռեալն» ուժեղ է «Բարսելոնայից», շոուն տեղ չունի ֆուտբոլում: Ինչ վերաբերում է Մեսիի 11 մետրանոցին, ապա եթե մենք «Ռեալում» նման բան անեինք, դա անհարգալից վերաբերմունք կլիներ մրցակցի հանդեպ»,- Կարլոսի խոսքը մեջբերում է Cadena Ser-ը:

Հիշեցնենք, որ Պրիմերայի 24-րդ տուրից հետո «Բարսելոնան» 4 միավոր գերազանցում է երրորդ տեղում գտնվող «Ռեալին», որից մեկ խաղ էլ պակաս է անցկացրել:

Հետևեք NEWS.am SPORT-ին Facebook-ում, Twitter և Telegram-ում