Անպարտելի Ռոնդա Ռոուզին Ռիո դե Ժանեյրոյի HSBC Arena մարզապալատում պաշտպանել է խառը մենամարտերի թեթեւագույն քաշային կարգում UFC չեմպիոնի տիտղոսը: Բրազիլացի Բեթ Կորիայի հետ մենամարտն ավարտվել է արդեն առաջին ռաունդի առաջին րոպեին: Ռոնդա Ռոուզին նոկաուտի է ենթարկել մրցակցին 34-րդ վայրկյանին՝ տանելով 12-րդ հաղթանակը պրոֆեսիոնալ կարիերայում: Նրա անձնական մարզիչն է Էդմոնդ Թարվերդյանը:
Հիշեցնենք, որ ամերիկացի հայտնի մարզուհի եւ դերասանուհի, խառը մենամարտերի UFC չեմպիոն, ձյուդոյի 2007թ. աշխարհի փոխչեմպիոն, 2008թ. Պեկինի Օլիմպիական խաղերի բրոնզե մեդալակիր Ռոնդա Ռոուզին ապրիլի 24-ին Երեւանում էր՝ հարգելու Հայոց ցեղասպանության զոհերի հիշատակը:
Հետևեք NEWS.am SPORT-ին Facebook-ում, Twitter և Telegram-ում