Ֆուտբոլի Իտալիայի հավաքականի եւ Թուրինի «Յուվենտուսի» դարպասապահ Ջանլուիջի Բուֆոնը մինչեւ ընթացիկ մրցաշրջանի ավարտը պայմանգիրը երկարաձգելու վերաբերյալ բանակցություններ չի սկսի թուրինյան ակումբի հետ, հաղորդում է Football Italia-ն։
«Յուվենտուսում» գոհ են Բուֆոնի խաղից։ Ջիջին երջանիկ է «Յուվեում»։ Նրա եւ ակումբի միջեւ խոսակցություն չի եղել նոր պայմանագրի վերաբերյալ։ Մենք կսպասենք ընթացիկ մրցաշրջանի ավարտին։ Բուֆոնը դեմ չէ կարիերան ավարտել «Յուվենտուսում», սակայն առաջիկայում կարող է փոփոխություններ լինեն»,- նշել է Բուֆոնի գործակալը՝ Սիլվիո Մարտինան։
34-ամյա դարպասապահի գործող պայմանագիրը նախատեսված է մինչեւ 2013թ. ամառը։
Հետևեք NEWS.am SPORT-ին Facebook-ում, Twitter և Telegram-ում