09:10  ,  7 օգոստոսի, 2014

Լեւանդովսկու գեղեցիկ գոլը չփրկեց «Բավարիային» պարտությունից

Մյունխենի «Բավարիան» շարունակում է նախապատրաստվել նոր մրցաշրջանի մեկնարկին։ Խոսեպ Գվարդիոլայի թիմն ընկերական խաղում 1։2 հաշվով պարտվել է ՄԼՍ-ի աստղերի հավաքականին։ Խաղը կայացել է Պորտլենդում։

Հաշիվը 8-րդ րոպեին բացել է Գերմանիայի չեմպիոնի լեհ հարձակվող Ռոբերտ Լեւանդովսկին։ Երկրորդ խաղակեսում հաշիվը հավասարեցրել է Շոն Ռայթ-Ֆիլիփսը, իսկ 72-րդ րոպեին հաղթական գոլի հեղինակ է դարձել Լենդոն Դոնովանը։

Հիշեցնենք, որ ավելի վաղ մյունխենցիները նվաճել էին Telekom Cup մրցաշարի հաղթողի կոչումը։

Հետևեք NEWS.am SPORT-ին Facebook-ում, Twitter և Telegram-ում


  • Լրահոս