Վլադիմիր Ստոգնիենկո. Ես կցանականայի, որ եզրափակիչում հաղթեր Գերմանիան, բայց երկու թիմերն էլ արժանի են գավաթին

Ես կցանականայի, որ աշխարհի առաջնության եզրափակիչում հաղթեր Գերմանիան, բայց երկու թիմերն էլ արժանի են գավաթին: Այդ մասին NEWS.am Sport-ի թղթակցի հետ զրույցում ասաց ռուսական հեռուստատեսության (Россия-1 եւ Спорт-1) մեկնաբան Վլադիմիր Ստոգնիենկոն:

Վլադիմիր, Դուք մեկնաբանեցիք առաջնության ամենասենսացիոն խաղը՝ Բրազիլիա - Գերմանիա: Բրազիլիայում կրքերն արդեն հանդարտվե՞լ են, թե՞ մարդիկ դեռ տխրում են:

Խաղից հետո բրազիլիացիները բավականին հանգիստ տեսք ունեին՝ առանց էմոցիաների: Ինձ թվում է, որ նրանք այնքան էմոցիա ծախսեցին խաղի ընթացքում, որ հետո այլեւս չէր մնացել: Նրանք շատ ընկճված էին: Բելու Օրիզոնտիի կենտրոնում ամեն բան հանգիստ էր: Այնպիսի տպավորություն էր, որ եթե նրանք պարտվեին հետխաղյա 11 մետրանոցներով, ավելի ծանր կտանեին:

Այսօր «Գլոբո» հեռուստաընկերության լուրերի թողարկման ժամանակ աշխարհի առաջնության մասին լուրը միայն երրորդն էր: Մինչ այդ խոսեցին հանցագործություններից եւ ընտրությույններից եւ հետո միայն այն մասին, թե ինչպես է Ռիոն պատրաստվում խաղին: Իսկ առաջնության սկզբում բոլոր նորությունները միայն ֆուտբոլի մասին էին:

Հետաքրքրվե՞լ եք, թե ում են աջակցելու բրազիլիացիները եզրափակիչում: Գերմանիան ջախջախեց իրենց, իսկ Արգենտինան պատմական մրցակից է:

Ես կարծում եմ՝ նրանք Արգենտինային չեն աջակցի: Եթե Արգենտինան Բրազիլիայում դառնա չեմպիոն, նրանց համար չափից դուրս շատ կլինի: Բայց չարություն նրանց միջեւ չկա: Նրանք կատակում են միմյանց վրա: Գերմանիայի հետ երկու անգամ են խաղացել: Առաջին անգամ հաղթեցին բրազիլիացիները, հիմա՝ գերմանացիները: Իսկ Արգենտինայի հետ նրանց մոտ պատմական հակամարտություն է: Այդ պատճառով կարծում եմ՝ նրանք կհամակրեն Գերմանիային:

Վլադիմիր, Դուք միշտ ասում եք, որ չունեք նախապատվություններ եւ երկրպագում եք միայն Ռուսաստանին: Բայց այնուամենայնիվ, այս 32  թիմերից իր խաղով, ո՞վ էր ավելի արժանի չեմպիոնության:

Ես միշտ համակրում եմ իտալացիներին, բալկանյան երկներին եւ Արգենտինային: Ինձ շատ է դուր գալիս Արգենտինան որպես երկիր եւ նրանց թիմը, բայց այն, թե ինչպես են նրանք հանդես գալիս այս ԱԱ-ում այդքան էլ չեմ հավանում: Մասկերանոն եւ Մեսին հիանալի են խաղում, բայց ինձ ավելի շատ դուրս է գալիս գերմանացիները խաղը: Նրանք վերջին տարիների բոլոր կարեւորագույն մրցաշարերի կիսաեզրափակիչ հասնում են: Նրանք ավելի արժանի են, բայց եթե հաղթի Արգենտինան, չի կարելի ասել, որ անարժան կլինի: Չեմ կարծում, թե գերմանացիներն ակնհայտ ֆավորիտ են: Այո, արգենտինացիները քիչ են խփում, բայց ուժերը գրեթե հավասար են:

Համաձա՞յն եք, որ Արգենտինան հակաֆուտբոլ է խաղում: Նրան բաժին հասավ ամենաթույլ խումբը, իսկ փլեյ-օֆֆի խաղերում մեծ դժվարությամբ հաղթեց բոլոր խաղերում՝ գրեթե հարվածներ չկատարելով դարպասին:

Արգենտինան արդեն նման կերպ խաղացել է 1990-ին եւ դուրս եկել եզրափակիչ, որտեղ պարտվել է Գերմանիային: Ես չգիտեմ՝ ինչ է հակաֆուտբոլը: Ինձ համար հակաֆուտբոլը դա դաշտում միմյանց ոտք կոտրելն է, կամ Սուարեսի արարքը: Արգենտինան խաղում է այնպես, ինչպես գտնում է ճիշտ: Բոլոր խաղերում, որտեղ նա դժվարությամբ էր հաղթում նա ավելի լավ տեսք ուներ: Ես շատ եմ հարգում այդ հավաքականին: Տակտիկապես նրանք շատ լավ են պատրաստված:

Դուք մեկնաբանելու եք երրորդ տեղի հանդիպումը: Լուի Վան Գալն արդեն ասել է, որ նրա համար այդ խաղը նշանակություն չունի: Կա միայն մեկ տեղ եւ դա առաջին տեղն է: Իսկ բրազիլացիներին այս հաղթանակը հարկավոր է երկրպագուների առջեւ հեղինակությունը գոնե ինչ-որ չափով վերականգնելու համար: Սպասե՞նք ֆուտբոլ այդ խաղում, թե՞ ամեն բան պարզ է:

Ես ավելի քան վստահ եմ, որ մեզ սպասվում է հետաքրքիր հանդիպում: Ֆուտբոլիստները այդքան լարված չեն խաղա, եւ հետաքրքիր կլինի դիտել նրանց խաղը: Հոլանդիայի հավաքականում հանդես են գալիս երիտասարդներ: Նրանք կցանկանան դրսեւորել իրենց: Իսկ Լուի Վան Գալի համար սա վերջին խաղն է հավաքականի ղեկին: Կիսաեզրափակիչից հետո շատերն են սիրում այդպես խոսել: Նախորդ մունդիալում երրորդ տեղի համար պայքարում Գերմանիան եւ Ուրուգվայը կիասեզրափակիչում կրած ցավալի պարտություններից հետո հիանալի խաղ ցուցադրեցին:

Կանխատեսո՞ւմ եք Գերմանիայի հաղթանակը եզրափակչում:

Ոչ, ես եզրափակիչում կանխատեսումներ չեմ անում: Ես կուզենաի, որ հաղթեր Գերմանիան: Բայց երկու թիմերն էլ արժանի են:

Ո՞ւմ կտայիք լավագույն ֆուտբոլիստի մրցանակը:

Նրանք երկուսն են՝ Մասկերանոն եւ Մյուլերը: Եզրափակիչը ամեն բան ցույց կտա: Կանցնի՞ արդյոք Մյուլերը Մասկերանոյին:

Իսկ ո՞վ է լավագույն դարպասապահը:

Նոյերը: Նավասն ու Օչոան նույնպես լավ տեսք ունեին, բայց Նոյերը ամենահուսալին է:

Կարդացե՞լ եք, որ «Բավարիան» պատրաստվում է գնել Նավասին եւ կատակասերները գրում են, որ Նոյերը վերջապես կարող է խաղալ որպես կենտրոնական պաշտպան:

Այո, նման բան գրում էին նաեւ «Բավարիայում»: Երբ Շվայնշտայգերը վնասվածք ստացավ, ծաղրանկարներ էինք արել, իբր Նոյերը գնում է Գվարդիոլայի մոտ եւ հարցնում՝ կարող է նա արդեն խաղալ կենտրոնում: Նոյերին շատ հաճելի է դիտել: Բացի այն, որ նա շատ դիտարժան տեսք ունի, երեւում է, թե որքան նա վստահ է հոգեբանորեն:

Դուք մեկնաբանել եք Հարավային Աֆրիկայում եւ Գերմանիայում կայացած նախորդ առաջնությունները: Գերմանիան հասկանալի պատճառով երեւի չքննարկենք: Հարավային Աֆրիկա՞ն էր ավելի լավ պատրաստված մրցաշարին, թե՞  Բրազիլիան:

Գերմանացիները, իսկապես իդեալական էին այս հարցում: Ինչ վերաբերում է պատրաստվելուն, կարծում եմ ՝ Հարավային Աֆրիկան ավելի լավ էր պատրաստված: Բայց այն ինչ վերաբերում է մերձֆուտբոլային թեմաներին, կարծում եմ, որ  ոչ աֆրիկացիները, ոչ գերմանացիները չեն կարող համեմատվել բրազիլիացիների հետ: Այնպիսի ընկերական մթնոլորտ էր տիրում այստեղ: Ամեն սրճարանում, որտեղ հեռարձակում էին ֆոտբոլ, մարդիկ հանգիստ շփվում էին եւ կապ չուներ, թե որ լեզվով ես դու խոսում: Բրազիլաիցիները ունեն իրենց թերությունները՝ ծույլ են:  Սրճարանում աղջիկը սուրճ է պատրաստում եւ տասը մարդուց ավելի հերթի մեջ է, իսկ նա հանգիստ է ու դանդաղ:

Հաջորդ առաջնությունը Ռուսաստանում է անցկացվելու: Կարծո՞ւմ եք, կարող եք ավելի լավ պատրաստվել:

Ես վստահ եմ, որ մենք ավելի լավ ենք պատրաստվելու: Վստահ եմ 200 տոկոսով: Ինձ ավելի շատ հուզում են մերձֆուտբոլային թեմաները: Բրազիլիան պարտվում էր Գերմանիային 0:7 հաշվով  եւ մարդկանց  միայն 5 տոսկոսը լքեց ստադիոնը: Ես կուզենայի, եթե Ռուսաստանը վատ հանդես գա, մարդիկ չհեռանան, որպեսզի ամբողջ երկիրը ապրի ֆուտբոլով:

Այսօր ամբողջ աշխարհը քննարկում է Լուիս Սուրաեսի տեղափոխությունը «Բարսելոնա»: Մեծ ձեռքբերո՞ւմ է կատալոնական թիմի համար, թե՞ մի թիմում Մեսիի եւ Սուարեսի պես առաջատարները չեն կարողանա ըդնհանուր լեզու գտնել: Մենք արդեն տեսել ենք, թե ինչես է Մեսին ճնշում մյուս առաջատարներին, օրինակ՝ Իբրահիմովիչին:

Կարծում եմ՝ սա մեծ ձեռքբերում է «Բարսելոնայի» համար: Սուարեսը լուրջ խնդիրներ ունի մտածողության եւ հոգեբանության հետ կապված, բայց նա մերօրյա ամենալավ ֆուտբոլիստներից մեկն է:

Վերա Մարտիրոսյան

Հետևեք NEWS.am SPORT-ին Facebook-ում, Twitter և Telegram-ում