Բրազիլիայի ֆուտբոլի կոնֆեդերացիայի ընտրված նախագահ Մարկո Պոլո դել Ներոն ցանկանում է Բրազիլիայի ազգային հավաքականի գլխավոր մարզիչի պաշտոնում թողնել Լուիս Ֆելիպե Սկոլարիին: Մարկո Պոլո դել Ներոն պաշտոնը կզբաղեցնի 2015-ին:
«Կիսաեզրափակիչում Գերմանիայից կրած 1:7 հաշվով պարտությունը մարտավարական սխալ հաշվարկների հետեւանք է: Բայց բոլորս էլ սխալներ ենք ունենում: Դա պատահում է յուրաքանչյուրի հետ: Ավելի կարեւոր է այն, որ աշխատանքը որակով է կատարվել: Դա վերաբերում է աշխարհի առաջնության կազմակերպմանը»,- Դել Ներոյի խոսքը մեջբերում է estadao.com.br-ն:
Դել Ներոն ընտրվել է առանց այլընտրանքային թեկնածուի: Նա կփոխարինի Խոսե Մարիա Մարինին:
Հետևեք NEWS.am SPORT-ին Facebook-ում, Twitter և Telegram-ում