Մեքսիկացի մրցավար Մարկո Ռոդրիգեսը կսպասարկի աշխարհի առաջնության կիսաեզրափակիչի Բրազիլիա - Գերմանիա հանդիպումը, հաղորդում է ՖԻՖԱ-ի կայքը:
Այս առաջնությունում Մարկո Ռոդրիգեսը սպասարկել է Իտալիա - Ուրուգվայ (0:1) հանդիպումը եւ վիճահարույց կարմիր քարտ է ցույց տվել իտալացի Կլաուդիո Մարկիզիոյին: Նա նաեւ չէր նկատել դրվագը, երբ ուրուգվայցի Լուիս Սուարեսը կծել էր իտալացիների պաշտպան Ջորջո Կյելինիի ուսը: 40-ամյա Ռոդրիգեսը նաեւ Բելգիա - Ալժիր (2:1) հանդիպման մրցավարն էր:
Բրազիլիա - Գերմանիա հանդիպումը տեղի կունենա հուլիսի 8-ին:
Հետևեք NEWS.am SPORT-ին Facebook-ում, Twitter և Telegram-ում