Հոլանդիայի խաղաոճն արդյունավետ է։ Մեր գլխավոր խաղաքարտը կարող է դառնալ հակագրոհների մարտավարությունը, ասել է Մյունխենի «Բավարիայի» եւ Հոլանդիայի հավաքականի կիսապաշտպան Արյեն Ռոբենը՝ խոսելով աշխարհի առաջնությունից ունեցած սպասելիքների մասին։
«Իսպանիան աշխարհի առաջնության միակ ֆավորիտը չէ, սակայն նրանք ունեն բավականին լավ թիմ, որը երկար տարիներ հանդես է գալիս միասին։ Ֆավորիտներն են Բրազիլիան, Արգենտինան, Իսպանիան եւ Գերմանիան։
Կարծում եմ, որ մեր թիմը շարժվում է ճիշտ ուղղությամբ։ Եվրոպայի առաջնությունից հետո նոր թիմ ենք կառուցում։ Իսպանացիներին կանգնեցնելու ժամանակն է, սակայն, անկասկած, վերջին երեք մրցաշարերում նրանց հաղթանակն արժանի է հարգանքի»,- Ռոբենի խոսքը մեջբերում է Football Espana-ն։
Հետևեք NEWS.am SPORT-ին Facebook-ում, Twitter և Telegram-ում