Սոչի-2014. Ռուս հոկեյիստները լքեցին պայքարը

Տափօղակով հոկեյի Ռուսաստանի հավաքականը չկարողացավ հաղթահարել Սոչիում ընթացող 22-րդ ձմեռային օլիմպիական խաղերի քառորդ եզրափակիչի արգելքը:

Քառորդ եզրափակիչում 2012թ. աշխարհի չեմպիոն ռուսները 1:3 հաշվով պարտվեցին Ֆինլանդիայի հավաքականին:

2010թ. Վանկուվերի Խաղերում Ռուսաստանը եւս պարտվել էր 1/4 եզրափակիչում՝ ճանապարհը զիջելով Կանադայի թիմին (3:7): Ֆինլանդիայի հավաքականը ռուսներին հաղթել էր (3:0) նաեւ աշխարհի 2011թ. առաջնության կիսաեզրափակիչում, այնուհետեւ դարձել էր աշխարհի չեմպիոն:

Կիսաեզրափակիչում Ֆինլանդիայի մրցակիցը կլինի աշխարհի գործող չեմպիոն Շվեդիայի հավաքականը, որը պայքարից դուրս էր թողել սլովենացիներին:

Հիշեցնենք, որ ռուսները A խմբում գրավել էին երկրորդ տեղը՝ զիջելով ամերիկացիներին, իսկ փլեյ-օֆֆում 4:0 հաշվով հաղթել էին նորվեգացիներին:

22-րդ ձմեռային օլիմպիական խաղեր
Հոկեյ, տղամարդիկ, քառորդ երզափակիչ  

Ռուսաստան – Ֆինլանդիա՝ 1:3 (1:3, 0:1, 0:0)

Սլովենիա – Շվեդիա՝ 0։5 (0:1, 0:0, 0:4)

Կանադա – Լիտվա

ԱՄՆ – Չեխիա

Հետևեք NEWS.am SPORT-ին Facebook-ում, Twitter և Telegram-ում