Գեղասահքի կրկնակի օլիմպիական չեմպիոն Եվգենի Պլյուշչենկոն մենասահքի կարճ ծրագրից դեռ երկու օր առաջ խնդրել է փոխարինել իրեն, սակայն Ռուսաստանի գեղասահքի ֆեդերացիայի ղեկավարությունը չի կարողացել գտնել փոխարինող մասնակից, Ռուսաստանի գործող չեմպիոն Մաքսիմ Կովտունին:
Նա պետք է մարզվեր Մոսկվայում, սակայն անհատական մրցումներում Պլյուշչենկոյի մասնակցությունը հաստատելուց հետո Կովտունն անջատել է հեռախոսը եւ գտնել նրան չի հաջողվել, հաղորդում ռուսական «ՆՏՎ» հեռուստաալիքը: Կովտունին գտնել չեն կարողացել ոչ նրա մարզիչ Ելենա Վոդորեզովան, ոչ էլ Սոչիում գտնվող Տատյանա Տարասովան: Ֆեդերացիան ստիպված է եղել հայտավորել Պլյուշչենկոյին: Ռուսաստանի գեղասահքի ֆեդերացիայի նախագահ Ալեքսանդր Գորշկովը հրաժարվել է մեկնաբանել այս լուրը՝ զգուշացնելով, որ «ալիք կբարձրանա, որի տակ կմնան բոլորը»:
Հիշեցնենք, որ փետրվարի 13-ին Պլյուշչենկոն հայտարարել է կարիերան ավարտելու մասին։
30 տարվա մեջ առաջին անգամ տղամարդկանց մենասահքում Ռուսաստանը մասնակից եւ մեդալակիր չի ունենա:
Հետևեք NEWS.am SPORT-ին Facebook-ում, Twitter և Telegram-ում
19:12 , 25 սեպտեմբերի 
18:47 , 25 սեպտեմբերի 
17:08 , 25 սեպտեմբերի 
16:34 , 25 սեպտեմբերի 
16:05 , 25 սեպտեմբերի 
15:03 , 25 սեպտեմբերի 
14:08 , 25 սեպտեմբերի 
13:11 , 25 սեպտեմբերի 
12:38 , 25 սեպտեմբերի 
12:02 , 25 սեպտեմբերի 
