Դորտմունդի «Բորուսիան» երկրորդ անգամ անընդմեջ դարձավ ֆուտբոլի Գերմանիայի չեմպիոն: Դորտմունդցիները պատմության մեջ 5-րդ անգամ են հռչակվում Բունդեսլիգայի ուժեղագույն ակումբ:
Բունդեսլիգայի 32-րդ տուրում Յուրգեն Կլոպի թիմը սեփական խաղադաշտում 2:0 հաշվով առավելության հասավ Մյոնխենգլադբախի «Բորուսիայի» նկատմամբ եւ առաջնության ավարտից երկու տուր առաջ անհասանելի դարձավ երկրորդ տեղում գտնվող Մյունխենի «Բավարիայի» համար:
Չեմպիոնական խաղում մեկական գնդակ խփեցին խորվաթ կիսապաշտպան Իվան Պերիսիչն ու ճապոնացի ենթահարձակվող Սինձի Կագավան:
Դորտմունդցիները վաստակեցին 75 միավոր: Երկրորդ տեղում գտնվող Մյունխենի «Բավարիան» ունի 67 միավոր:
Գերմանիայի առաջնության. 32-րդ տուր
«Բորուսիա Դ.» - «Բորուսիա Մ.»՝ 2:0
Պերիսիչ, 23, Կագավա, 59
Հետևեք NEWS.am SPORT-ին Facebook-ում, Twitter և Telegram-ում