Հայաստանի հավաքականի կիսապաշտպան Հենրիխ Մխիթարյանը բուժզննում է անցել Դորտմունդի «Բորուսիայում»: 90 րոպե տեւած ստուգումներից հետո Հենրիխ Մխիթարյանը ժպտալով դուրս է եկել հիվանդանոցից, գրում է գերմանական Bild-ը:
Սպասվում է, որ առաջիկա ժամերին հայ ֆուտբոլիստը պայմանագիր կկնքի Չեմպիոնների լիգայի եզրափակիչի մասնակից եւ Գերմանիայի փոխչեմպիոն «Բորուսիայի» հետ, որը Երեւանի ժամանակով 20:00-ին բարեգործական հանդիպում է անցկացնելու «Մագդեբուրգի» հետ:
Հետևեք NEWS.am SPORT-ին Facebook-ում, Twitter և Telegram-ում