21:47  ,  11 փետրվարի, 2013

Էնդի Ռոդիկի առաջին ելույթը պրոֆեսիոնալ գոլֆում

US Open - 2012-ից հետո պրոֆեսիոնալ կարիերան ավարտած աշխարհի նախկին առաջին ռակետ Էնդի Ռոդիկն առաջին անգամ մասնակցել է գոլֆի պրոֆեսիոնալ մրցաշարի` AT&T Pebble Beach National Pro-Am-ի: 32-ամյա նախկին թենիսիստը հանդես է եկել Ջոն Մալինջերի հետ:

«Հետաքրքիր էր: Ինձ համար դժվար է համեմատել թենիսն ու գոլֆը: Կարող եմ ասել, որ ամենավատ մարզավիճակում էլ թենիս խաղալիս ես գիտեի, թե ինչ եմ անում: Իսկ այստեղ, հավանաբար, հանդիսականների մի մասն ինձնից լավ է խաղում: Բայց ես շատ եմ աշխատում, մարզվում եմ շաբաթը 3-4 անգամ: Ինձ տքնաջան աշխատանք է սպասվում: Կփորձեմ լավացնել որակներս»,- Ռոդիկի խոսքը մեջբերում է atpworldtour-ը:

Հետևեք NEWS.am SPORT-ին Facebook-ում, Twitter և Telegram-ում