ԱԱ. Արսեն Հարությունյանն ու Արման Անդրեասյանը դուրս մնացին տիտղոսի համար պայքարից

Ղազախստանի մայրաքաղաք Աստանայում անցկացվող ազատ ոճի ըմբշամարտի աշխարհի առաջնությունում Հայաստանի ներկայացուցիչներ Արսեն Հարությունյանն ու Արման Անդրեասյանը դուրս մնացին տիտղոսի համար պայքարից:

Աշխարհի առաջնությունների քառակի բրոնզե մեդալակիր, Եվրոպայի քառակի չեմպիոն Արսեն Հարությունյանը 61 կգ քաշայինների 1/8 եզրափակիչում գոտեմարտեց 33-ամյա ալբանացի Զելիմխան Աբակարովի հետ եւ պարտվեց 4:14 հաշվով:  

Հարությունյանը պայքարը սկսել էր որակավորման փուլից, որտեց ժամանակից շուտ 10:0 հաշվով հաղթել էր մեքսիկացի Դերեկ Գարսիա Գվանաժվատոյին:

Եվրոպայի չեմպիոն, աշխարհի առաջնության բրոնզե մեդալակիր Արման Անդրեասյանը (70 կգ) 1/8 եզրափակիչում Անդրեասյանի մրցեց թուրք Ֆերհաթ Կիլիչի հետ: Անդրեասյանը գոտեմարտի վերջին վայրկյաններին միավոր տալով, պարտվեց 1:2 հաշվով:

Հայ ըմբիշները կշարունակեն պայքարը բրոնզե մեդալների համար, եթե նրանց հաղթած ըմբիշները դուրս գան եզրափակիչ։

Երեկոյան մրցահերթում աշխարհի չեմպիոնի տիտղոսի համար կպայքարի Վազգեն Թեւանյանը (65 կգ): Եզրափակիչում Թեւանյանի մրցակիցը կլինի ամերիկացի Բոուեն Բասեթը։

Հաբեթնակ Կուրղինյանի գլխավորած հավաքականից Աստանայի մրցագորգ դուրս կգան նաեւ Մանվել Խնձրցյանը (57 կգ), Նարեկ Հարությունյանը (74 կգ) եւ Հրայր Ալիխանյան (79 կգ):

Հետևեք NEWS.am SPORT-ին Facebook-ում, Twitter և Telegram-ում