Կարեն Ասլանյանը ադրբեջանցու նկատմամբ հաղթանակով նվաճեց աշխարհի չեմպիոնի տիտղոսը

Աշխարհի բրոնզե մեդալակիր, Եվրոպայի փոխչեմպիոն Կարեն Ասլանյանը ադրբեջանցու նկատմամբ տպավորիչ հաղթանակով նվաճեց աշխարհի չեմպիոնի տիտղոսը: Ղազախստանի մայրաքաղաք Աստանում ընթացող հունահռոմեական ոճի ըմբշամարտի աշխարհի առաջնությունում 60 կգ քաշայինների եզրափակիչում Ասլանյանը գոտեմարտեց 2024 թ. աշխարհի չեմպիոն, Եվրոպայի կրկնակի չեմպիոն, ադրբեջանցի Նիհադ Զիհադ Մամադլիի հետ եւ հաղթեց 8:4 հաշվով:

Առաջին մրցափուլը Կարեն Ասլանյանը շատ ակտիվ սկսեց: Մամադլին անմիջապես 4 միավորանոց հնարք կատարեց, Կարեն Ասլանյանը երկու միավորանոց գցում կատարեց եւ եւս մեկը վաստակեց հնարքի վերջնամասում գլոորումով:

Կարեն Ասլանյանն ավելացրեց ճնշումը եւ 4 միավորանոց գցումով հաշիվը դարձրեց 7:4՝ առավելությամբ: Մինչեւ առաջին մրցափուլի ավարտը գորգի մրցավարը պասիվություն չտվեց մրցակիցներին, քանի որ երկուսն էլ շատ ակտիվ էին: Մ

Մրցակիցները գնացին հանգստի Կարեն Ասլանյանի առավելությամբ:

Երկրորդ մրցափուլում Կարեն Ասլանյանը հիմնականում պաշտպանվում էր: Հայ ըմբիշը եւս մեկ միավոր վաստակեց՝ ադրբենացուն աշխատանքային գոտուց դուրս հանելով: Մինչեւ գոտեմարտի ավարտն Ասլանյանը հնարավորություն չտվեց մրցակցին միավոր վաստակել:

31-ամյա Կարեն Ասլանյանը մարզական կարիերայում առաջին անգամ էր աշխարհի առաջնության եզրափակիչի դուրս գալիս:

Չեմպիոնական տիտղոսը նվաճելուց հետո հավաքականի գլխավոր մարզիչ Արմեն Բաբալարյանը վազեց մրցագորգ եւ ըմբշամարտի հնարքով տոնեց Ասլանյանի հաղթանակը: Կարեն Ասլանյանը չեմպիոնական շրջանը եռագույնով կատարեց Արմեն Բաբալարյանի եւ իր անձնական մարզիչ Սամվել Գեւորգյանի հետ միասին:

Եվրոպայի փոխչեմպիոնը պայքարը սկսել է որակավորման փուլում 10:0 հաշվով ժամանակից շուտ հաղթեց մոլդովացի Կոռնելիու Ռուսուին:

1/8 եզրափակիչում աշխարհի առաջնության բրոնզե մեդալակիրը 8:0 հաշվով ժամանակից շուտ պարտության մատնեց Ղրղսզտանը ներկայացնող Աֆթանդիլ Տալայբեկ Ուուլուին:

Կարեն Ասլանյանը (63 կգ) քառորդ եզրափակիչում 9:0 հաշվով ժամանակից շուտ տպավորիչ հաղթանակ տարավ ուզբեկ Ուզուդբեկ Խալիմբոեւի նկատմամբ:

Կիսաեզրափակիչում Ասլանյանը 12:4 հաշվով հաղթեց աշխարհի փոխչեմպիոն, Եվրոպայի կրկնակի չեմպիոն, կրկնակի օլիմպիական չեմպիոն Արմեն Նազարյանի որդի, Բուլղարիան ներկայացնող Էդմոնդ Նազարյանին:

Կարեն Ասլանյան, հունահռոմեական ոճի ըմբշամարտ, 63 կգ քաշային կարգ

Ծնվել է  1995 թվականի հուլիսի 22-ին Երեւանում

Անձնական մարզիչը հունահռոմեական ըմբշամարտի Հայաստանի հավաքականի երկրորդ մարզիչ Սամվել Գեւորգյանն է:

Ամուսնացած չէ:

Կարեն Ասլանյանը 2012 թվականի պատանիների Եվրոպայի չեմպիոն է, 2013 թվականի աշխարհի երիտասարդական առաջնության չեմպիոն, 2014 թվականի աշխարհի երիտասարդական առաջնության փոխչեմպիոն, 2015 թվականի Համաբանակային 6-րդ ամառային խաղերի փոխչեմպիոն, 2017 թվականի հունահռոմեական ըմբշամարտի բանակայինների աշխարհի առաջնության չեմպիոն: Մեծահասակների կազմում 2018, 2019 եւ 2020 թվականների դարձել է Եվրոպայի բրոնզե մեդալակիր, միջազգային մի շարք մրցաշարերի հաղթող:

Կարեն Ասլանյանը հանդես է գալիս նաեւ ակումբային առաջնություններում:

2017 թվականին «Սամուրգաշև եղբայներ» մարզական ակումբի թիմի կազմում դարձել է Ռուսաստանի գավաթակիր։

2017 թվականին Իրանում անցկացված հունահռոմեական ըմբշամարտի աշխարհի ակումբային առաջնությունում իրանական «Սինա Սանաթ Իզեհ» թիմի կազմում դարձել է փոխչեմպիոն: 

Մասնակցել է Տոկիոյի Օլիմպիական խաղերի ուղեգիրը, որտեղ հասել է մինչեւ քառորդ եզրափակիչ եւ պարտվել վիճահարույց մրցավարության արդյունքում:

Ասլանյանը 2024 թ. աշխարհի առաջնության բրոնզե մեդալակիր է, 2025 թ. Եվրոպայի փոխչեմպիոն է, 2026 թ. Եվրոպայի առաջնության բրոնզե մեդալակիր է, 2021 թ. բանակայինների աշխարհի չեմպիոն:

Այսօր բրոնզե մեդալի գոտեմարտեր կանցկացնեն 67 կգ քաշային Սլավիկ Գալստյանը եւ 87 կգ քաշային Գեւորգ Թադեւոսյան:

Հետևեք NEWS.am SPORT-ին Facebook-ում, Twitter և Telegram-ում