ԿԼ․ «Նոան» մեկնարկում է որակավորման երրորդ փուլում

Ֆուտբոլի Հայաստանի փոխչեմպիոն «Նոան» օգոստոսի 6-ին  Կոնֆերենցիաների լիգայի որակավորման երրորդ փուլի առաջին խաղում կընդունի շվեյցարական «Սյոնին»։

Հանդիպումը տեղի կունենա Աբովյանի Վահագն Թումասյանի անվան մարզադաշտում եւ կմեկնարկի 20:00-ին։

Պատասխան հանդիպումը տեղի կունենա մեկ շաբաթ անց։

Կոնֆերենցիաների լիգայի որակավորման երկրորդ փուլում «Նոան» հաղթել էր մոլդովական «Զիմբրուին» (1:1, 2:1): Շվեյցարական ակումբը պայքարից դուրս է թողել Բելառուսի ԲԱՏԷ-ին (1:1, 4:0):

«Սյոնի» արգելքը հաղթահարելու դեպքում՝ «Նոան» փլեյ-օֆֆում կմրցի հոլանդական «Այաքսի» եւ իռլանդական «Շելբուրնի» դիմակայության հաղթողի հետ։

Փլեյ-օֆֆի առաջին հանդիպումները տեղի կունենան օգոստոսի 20-ին, պատասխան հանդիպումները՝ օգոստոսի 27-ին։

Հետևեք NEWS.am SPORT-ին Facebook-ում, Twitter և Telegram-ում