ԱԱ․ Հայաստանի թիմը նվաճել է 8 ոսկե մեդալ

Եգիպտոսի մայրաքաղաք Կահիրեում անցկացվող պարածանրամարտի երիտասարդների եւ պատանիների աշխարհի առաջնությունում Հայաստանի թիմը նվաճել է 8 ոսկի, 5 արծաթ եւ 1 բրոնզե մեդալներ: 

Տղամարդկանց պայքարում ոսկե մեդալակիր է դարձել Խորեն Ծատուրյանը -59 կգ քաշային կարգում՝ եռամարտի արդյունքի եւ լավագույն մոտեցման համար:

Ռաֆայել Համազասպյանը երկու ոսկե մեդալ է նվաճել -49 կգ քաշային կարգում եռամարտի արդյունքի եւ կրկին լավագույն մոտեցման համար:

 Աղջիկների պայքարում Կարինե Մանուկյանը երկու ոսկե մեդալ է նվաճել -45 կգ քաշային կարգում, Անյուտա Պետրոսյանը՝ -86 կգ քաշային կարգում:

Հայաստանի թիմից արծաթե մեդալակիրներ են դարձել Արթուր Բաբայանը (-59 կգ, երկու արծաթե մեդալ), Արտյոմ Մուխսյան (-65 կգ, երկու արծաթե մեդալ) եւ Դավիթ Հունայնանը (-65 կգ, 1 արծաթե մեդալ):

Բրոնզե մեդալակիր է դարձել Տիգրան Խլղաթյանը (-80 կգ):

Հայաստանի հավաքականը Կահիրեում անցկացվող աշխարհի առաջնությանը մասնակցում է 11 մարզիկով, այդ թվում՝ 3 կին եւ 8 տղամարդ։

Հայաստանի թիմից մրցահարթակ դուրս կգա եւս երեք պարածանրորդ:

Հետևեք NEWS.am SPORT-ին Facebook-ում, Twitter և Telegram-ում