Հովհաննես Բաչկով vs Խոլիսանի Նդոնգենի. «Հայացքների մենամարտ» Ստամբուլում (ֆոտո)

Տոկիոյի Օլիմպիական խաղերի բրոնզե մեդալակիր, Եվրոպայի քառակի չեմպիոն, աշխարհի առաջնության քառակի բրոնզե մեդալակիր Հովհաննես Բաչկովը հարավաֆրիկացի Խոլիսանի Նդոնգենիի հետ «հայացքների մենամարտ» անցկացրեց Ստամբուլում։

Հուլիսի 2-ին Հովհաննես Բաչկովը եւ Խոլիսանի Նդոնգենին IBA Pro-7 Champions Night մրցաշարում կմենամարտեն 63,5 կգ քաշային կարգում:

Հովհաննես Բաչկովը ձեռքերի վիրահատությունից հետո այս տարվա մարտին հաղթական վերադարձ ունեցավ պրոֆեսիոնալ ռինգ։

Դուբայում Grassroots boxing-ի կազմակերպած «Paddy’s day boxing show» երեկոյում Հովհաննես Բաչկովը հաղթել էր վենեսուելացի Ջոս Բաստարդոյին՝ երկրորդ ռաունդում նոկաուտի ենթարկելով նրան։

Հայաստանի հավաքականի ավագը նվաճել էր WBA Continental տիտղոսը։

Հետևեք NEWS.am SPORT-ին Facebook-ում, Twitter և Telegram-ում