Յուրա Մովսիսյանն ու «Սպարտակը» կնքեցին պայմանագիրը

Հայաստանի ազգային հավաքականի հարձակվող Յուրա Մովսիսյանն ու Մոսկվայի «Սպարտակը» պայմանագիր են կնքել։ Կողմերն ավարտել են փաստաղթային ձեւակերպումների փուլը եւ համաձայնեցրել են կետերը, հաղորդում է NEWS.am Sport-ի աղբյուրը Մոսկվայից։

Հիշեցնենք, որ 25-ամյա հարձակվողն օրեր առաջ էր փոխհամաձայնության եկել Ռուսաստանի 9-ակի չեմպիոնի հետ: Մովսիսյանին ձեռք բերելու համար «Սպարտակը» ռուսական «Կրասնոդարին» վճարել է 7.5 միլիոն եվրո: Պայմանագիրը մոսկովյան ակումբի հետ նախատեսված է 5 տարով:

Ռուսաստանի ընթացիկ առաջնությունում Մովսիսյանը «Կրասնոդարի» կազմում մասնակցել է 13 հանդիպման եւ դարձել է 9 գոլի հեղինակ։ Նա 2011-ին դանիական «Ռանդերսից» էր տեղափոխվել «Կրասնոդար»:

Հետևեք NEWS.am SPORT-ին Facebook-ում, Twitter և Telegram-ում