#Paris2024 «Օլիմպիական VLOG». Արթուր Ալեքսանյան (տեսանյութ)

NEWS.am Sport-ը ներկայացնում է 33-րդ ամառային Օլիմպիական խաղերի մասնակցության իրավունք նվաճած հայ մասնակիցների մասին պատմող Լուսինե Շահբազյանի հեղինակային «Օլիմպիական VLOG» նախագիծը:  

«Օլիմպիական VLOG»-ի հերոսը Փարիզի Խաղերի բացման օրը Օլիմպիական խաղերի ոսկե, արծաթե, բրոնզե մեդալակիր, աշխարհի քառակի, Եվրոպայի 7-ակի չեմպիոն, Եվրոպական խաղերի չեմպիոն, հունահռոմեական ոճի ըմբիշ Արթուր Ալեքսանյանն է: 

ԱՐԹՈՒՐ ԱԼԵՔՍԱՆՅԱՆ

Հունահռոմեական ոճի ըմբշամարտ, 97 կգ քաշային կարգ

Ծնվել է 1991 թվականի հոկտեմբերի 21-ին Գյումրիում:

Անձնական մարզիչը հայրն է՝ Գեւորգ Ալեքսանյանը:

Ըմբշամարտով  սկսել է զբաղվել 8 տարեկանից:

2007թ. Սեւծովյան տարածաշրջանի երկրների պատանեկան մրցաշարի երրորդ մրցանակակիր է, 2009 թ. երիտասարդների աշխարհի եւ Եվրոպայի առաջնության բրոնզե մեդալակիր, 2010 թ. երիտասարդների Եվրոպայի առաջնության արծաթե մեդալակիր, 2010 թ. երիտասարդների աշխարհի առաջնության ոսկե մեդալակիր, 2011 թ. մեծահասակների Եվրոպայի փոխչեմպիոն, 2013 թ. Համաշխարհային ուսանողական խաղերի արծաթե մեդալակիր: 

2012 թ., 2013 թ., 2014 թ., 2018 թ., 2020 թ., 2023 թ. եւ 2024 թ. Եվրոպայի չեմպիոն,  2014թ., 2015 թ., 2017թ.  եւ 2022 թ. աշխարհի չեմպիոն է, 2013 թ., 2019 թ. եւ  2023 թ. աշխարհի փոխչեմպիոն, 2019 թ. Մինսկի Եվրոպական խաղերի չեմպիոն:

Մասնակցել է Լոնդոն-2021, Ռիո-2016, Տոկիո-2020 Օլիմպիական խաղերին: Ռիոյի Օլիմպիական խաղերի չեմպիոն է, Տոկիոյի Օլիմպիական խաղերի փոխչեմպիոն, Լոնդոնի Օլիմպիական խաղերի բրոնզե մեդալակիր:

Փարիզ-2024-ը Արթուր Ալեքսանյանի 4-րդ Օլիմպիական խաղերն է:

2011-ից Հայաստանի լավագուն մարզիկների շարքում է, 2012-ին պարգեւատրվել է Մովսես Խորենացու մեդալով, 2014 թ. «Հայրենիքին մատուցած ծառայությունների համար» 1-ին աստիճանի մեդալով, 2015 թ. սեպտեմբերի 16-ին Հայաստանի Անկախության տոնի առթիվ, ֆիզիկական կուլտուրայի եւ սպորտի զարգացման գործում ներդրած ավանդի համար պարգեւատրվել է «Հայրենիքին մատուցած ծառայությունների համար» 2-րդ աստիճանի շքանշանով:

2016 թ.-ից Գյումրու եւ Երեւանի պատվավոր քաղաքացի է: 

2019 թ. ՄԱԿ-ի Մանկական հիմնադրամի (ՅՈւՆԻՍԵՖ) դեսպան է:

Ամուսնացած չէ:

Փարիզի Օլիմպիական խաղերի ուղեգիրը նվաճել է 2023 թ. սեպտեմբերի 22-ին Սերբիայի մայրաքաղաք Բելգրադում անցկացված աշխարհի առաջնությունում:

Արթուր Ալեքսանյանը Փարիզ-2024-ի մրցագորգ դուրս կգա օգոստոսի 6-ին: Կմեկնարկի 1/8 եզրափակիչից։

Հունահռոմեական ոճի ըմբշամարտի օլիմպիական մրցաշարը կանցկացվի «Champ-de-Mars» մարզապալատում։

97 կգ քաշային եզրափակիչը տեղի կունենա օգոստոսի 7-ին Երեւանի ժամանակով 22:05-ին:

«Օլիմպիական VLOG» նախագծի թողարկումներին հետեւեք NEWS.am Sport-ի Facebook, Instagram, Tiktok-ի  էջերում, NEWS.am-ի Youtube-ի պաշտոնական ալիքում:

Փարիզ-2024 Օլիմպիական խաղերը կանկացվեն հուլիսի 26-ից օգոստոսի 11-ը: 

#Paris2024 «Օլիմպիական VLOG». Արթուր Դավթյան

#Paris2024 «Օլիմպիական VLOG». Էլմիրա Կարապետյան 

#Paris2024 «Օլիմպիական VLOG» Փաշիկ Ալավերդյանի հետ

#Paris2024 «Օլիմպիական VLOG». Վահագն Դավթյան

#Paris2024 «Օլիմպիական VLOG». Վազգեն Թեւանյան

#Paris2024 «Օլիմպիական VLOG». Վարսենիկ Մանուչարյան

#Paris2024 «Օլիմպիական VLOG». Մալխաս Ամոյան

Հետևեք NEWS.am SPORT-ին Facebook-ում, Twitter և Telegram-ում