Ծանրամարտի Հայաստանի պատանեկան հավաքականը եւս երկու բրոնզե մեդալներ է նվաճել Հունաստանի Սալոնիկ քաղաքում անցկացվող Եվրոպայի մինչեւ 17 տարեկանների առաջնությունում:
Աղջիկների հավաքականից Քրիստինե Բաբայանը 40 կգ քաշայինների պայքարում բրոնզե մեդալակիր է դարձել երկամարտի 103 կգ արդյունքով: Պոկում վարժությունում գրանցել է 46 կգ արդյունք, հրումում՝ 57 կգ: Արժանացել է նաեւ հրում վարժության փոքր բրոնզե մեդալի:
Բրոնզե մեդալակիր է դարձել նաեւ 64 կգ քաշային Մերի Միսակյանը: Հրում վարժությունում 106 կգ արդյունքով արժանացել է փոքր արծաթե մեդալի:
Մ17 Եվրոպայի առաջնությունում ավելի վաղ ոսկե մեդալակիր էր դարձել 61կգ քաշային Հովհաննես Հովհաննիսյանը։ Հայաստանի ներկայացուցիչը երկամարտում հավաքել էր 234 (107+127):
Տղաների հավաքականից երկամարտի բրոնզե մեդալներ էին նվաճել Նարեկ Գրիգորյանը եւ Վոլոդյա Սարգսյանը:
67 կգ քաշային Նարեկ Գրիգորյանը երկամարտում գրանցել է 264 կգ արդյունք (119+145) կգ։ 55 կգ քաշային Վոլոդյա Սարգսյանի երակամարտի արդյունքը 217 կգ է (95+122)։
Ավագ մարզիչ Երվանդ Կիրակոսյանի գլխավորած պատանեկան հավաքականի կազմում Մ17 Եվրոպայի առաջնությունում կպայքարեն նաեւ Աշոտ Գասպարյանը (81 կգ), Վալերիկ Մովսիսյանը (89 կգ), Գրիգոր Ղազարյանը (96 կգ) եւ Հարություն Հովհաննիսյանը (102 կգ):
Աղջիկների պայքարում կմասնակցի նաեւ Նարե Առաքելյանը (+81 կգ):
Առաջնությունը կավարտվի հունիսի 23-ին։
Հետևեք NEWS.am SPORT-ին Facebook-ում, Twitter և Telegram-ում
18:46 , 27 հունիսի 
18:26 , 27 հունիսի 
17:50 , 27 հունիսի 
17:04 , 27 հունիսի 
16:41 , 27 հունիսի 
16:04 , 27 հունիսի 
15:43 , 27 հունիսի 
15:05 , 27 հունիսի 
14:37 , 27 հունիսի 
14:10 , 27 հունիսի 
