Դմիտրի Կոմբարովի գեղեցիկ գոլը հաղթական չէր

Ռուսական Պրեմյեր լիգայի 16-րդ տուրը մեկնարկեց Նիժնի Նովգորոդում, որտեղ «Վոլգան» հյուրընկալել էր Մոսկվայի «Սպարտակին»: Հանդիպումն ավարտվեց 1:1 հաշվով:

Խաղի 13-րդ րոպեին Ռուսաստանի հավաքականի կիսապաշտպան Դմիտրի Կոմբարովը տուգանայինից կատարած գեղեցիկ հարվածով առաջ մղեց «Սպարտակին», սակայն առաջին խաղակեսի վերջնամասում ռուս հարձակվող Ալեքսանդր Սալուգինը խփեց «Վոլգայի» պատասխան գնդակը:

Հայաստանի ազգային հավաքականի հարձակվող Արթուր Սարկիսովի անունը բացակայում էր «Վոլգայի» հայտացուցակից: Սարկիսովը դեռ լիովին չի վերականգնվել սրունքաթաթային հոդի վնասվածքից:

«Սպարտակը» 29 միավորով չորրորդ տեղում է, իսկ «Վոլգան» 12 միավորով 14-րդն է:

Ռուսաստանի առաջնություն. 16-րդ տուր 

«Վոլգա» - «Սպարտակ»՝ 1:1

Ալեքսանդր Սալուգին, 45 – Դմիտրի Կոմբարով, 13

Հետևեք NEWS.am SPORT-ին Facebook-ում, Twitter և Telegram-ում