Իտալիան հաղթեց Պելեգրինիի եւ Բարելայի գոլերի շնորհիվ (տեսանյութ)

Ֆուտբոլի Եվրոպայի չեմպիոն Իտալիայի հավաքականն ԱՄՆ-ում տեղի ունեցած ընկերական խաղում մրցեց Էկվադորի թիմի հետ։

Լուչանո Սպալետիի գլխավորած թիմն առավելության հասավ 2:0 հաշվով։

Երրորդ րոպեին հանդիպման հաշիվը բացեց «Ռոմայի» կիսապաշտպան Լորենցո Պելեգրինին (տեսանյութ)։

Ավելացված չորրորդ րոպեին աչքի ընկավ Միլանի «Ինտերի» կիսապաշտպան Նիկոլո Բարելան։

Նախորդ ընկերական խաղում իտալացիներն ԱՄՆ-ում 2:1 հաշվով պարտության էին մատնել Վենեսուելային։

Հաջորդ ընկերական հանդիպումներն Իտալիայի հավաքականը կանցկացնի Եվրո-2024-ի մեկնարկից մեկ շաբաթ առաջ։ Հունիսի 4-ին Իտալիայի մրցակիցը կլինի Թուրքիան, հունիսի 9-ին՝ Բոսնիա եւ Հերցեգովինան։

Հետևեք NEWS.am SPORT-ին Facebook-ում, Twitter և Telegram-ում