Ֆուտբոլի Հայաստանի ազգային հավաքականում Մոսկվայի «Լոկոմոտիվի» եզրային պաշտպան Նաիր Տիկնիզյանին առաջիկա երկու ընկերական հանդիպումներում կփոխարինի «Արարատ-Արմենիայի» պաշտպան Էդգար Գրիգորյանը, հաղորդում է ՀՖՖ-ի ֆեյսբուքյան էջը։
Նաիր Տիկնիզյանը վնասվածք է ստացել Ռուսաստանի գավաթի խաղարկության քառորդ եզրափակիչի պատասխան խաղում։ «Լոկոմոտիվը» հետխաղային 11-մետրանոցներով պարտվել էր «Բալտիկային»՝ 6:7:
Հիմնական ժամանակն ավարտվել էր 1:1 հաշվով։ Արդեն երրորդ րոպեին հանդիպմանը հաշիվը բացել էր Նաիր Տիկնիզյանը։ 60-րդ րոպեին նա վնասվածքի պատճառով փոխարինվել էր։ Թիմերի առաջին խաղում գրանցվել էր ոչ ոքի՝ 2:2:
Հայաստանի հավաքականն ընկերական հանդիպումներ կանցկացնի Կոսովոյի եւ Չեխիայի հավաքականների հետ։
Հայաստանի հավաքական
Դարպասապահներ
Օգնյեն Չանչարևիչ - «Նոա»
Արսեն Բեգլարյան - «Արարատ-Արմենիա»
Ստանիսլավ Բուչնև - «Փյունիկ»
Պաշտպաններ
Վարազդատ Հարոյան - «Ցինդաո Ուեստ Քոսթ» (Չինաստան)
Անդրե Կալիսիր- «Բրոմապոյկարնա» (Շվեդիա)
Գեորգի Հարությունյան - «Կրասնոդար» (Ռուսաստան)
Էդգար Գրիգորյան - «Արարատ-Արմենիա»
Ստյոպա Մկրտչյան - «Օսիեկ» (Խորվաթիա)
Կամո Հովհաննիսյան - «Արարատ-Արմենիա»
Սերգեյ Մուրադյան - «Նոա»
Հովհաննես Համբարձումյան - «Նոա»
Ժիրայր Մարգարյան - «Ուրարտու»
Էրիկ Փիլոյան - «Ուրարտու»
Կիսապաշտպաններ/Հարձակվողներ
Ուգոչուկվու Իվու - «Ռուբին» (Կազան, Ռուսաստան)
Էդուարդ Սպերցյան - «Կրասնոդար» (Ռուսաստան)
Էդգար Սևիկյան - «Ֆերենցվարոշ» (Հունգարիա)
Վահան Բիչախչյան - «Պոգոն» (Լեհաստան)
Նարեկ Գրիգորյան - «Ֆարուլ» (Ռումինիա)
Հովհաննես Հարությունյան - «Փյունիկ»
Արթուր Սերոբյան - «Արարատ-Արմենիա»
Արթուր Միրանյան – «Նոա»
Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)
Նորբերտո Բրիասկո Բալեկյան - «Բոկա Խունիորս» (Արգենտինա)
Լուկաս Սելարայան - «Ալ-Ֆաթեհ» (Սաուդյան Արաբիա)
Հայաստանի ազգային հավաքականը կսկսի նախապատրաստությունը ընկերական հանդիպումներին մարտի 17-ին ՀՖՖ Տեխնիկական կենտրոն/ֆուտբոլի ակադեմիայում:
Հայաստանի հավաքականը Կոսովոյի թիմին կընդունի մարտի 22-ին, Չեխիայի հավաքականին կհյուրընկալվի մարտի 26-ին։
Հետևեք NEWS.am SPORT-ին Facebook-ում, Twitter և Telegram-ում