Թենիսի Ավստրալիայի բաց առաջնության երրորդ շրջանում հաղթելուց եւ առաջին անգամ այս մրցաշարի 1/8 դուրս գալուց հետո ռուսաստանցի Կարեն Խաչանովն աջակցություն է հայտնել Ադրբեջանի կողմից շրջափակված Արցախին։
Ավանդույթի համաձայն՝ հաղթանակից հետո թենիսիստներին հնարավորություն է տրվում կորտում աշխատող տեսախցիկի վրա գրություն թողնել։ Խաչանովն անգլերեն գրել է «Ուժեղ մնա՛, Արցախ» (Artsakh stay strong!!!)։
Հիշեցնենք, որ հայ թենիսիստը երրորդ շրջանում մրցեց 17-րդ ռակետ, ամերիկացի Ֆրենսիս Տիաֆոյի հետ եւ հաղթեց չորս սեթում՝ 6:3, 6:4, 3:6, 7:6(11:9)։ Պայքարը տեւեց 3 ժամ եւ 32 րոպե։
Կարեն Խաչանովի հաջորդ մրցակիցը կլինի ճապոնացի Յոսիհիտո Նիշիոկան, որը 7:6 (8:6), 6:3, 6:2 հաշվով պարտության մատնեց ամերիկացի Մաքենզի Մաքդոնալդին։
Ավստրալիայի բաց առաջնության մրցանակային հիմնադրամը 51,3 միլիոն դոլար է։
An incredible finish! A remarkable tie-break!@karenkhachanov survives a four-set epic with Frances Tiafoe to reach the fourth round, taking the match 6-3 6-4 3-6 7-6(9)@wwos @espn @Eurosport @wowowtennis #AusOpen #AO2023 pic.twitter.com/cxsgNbKUud
— #AusOpen (@AustralianOpen) January 20, 2023
Հետևեք NEWS.am SPORT-ին Facebook-ում, Twitter և Telegram-ում