23:40  ,  12 հոկտեմբերի, 2012

Վարդան Մինասյան. Այս խաղը մեր այս տարվա լավագույնն էր

«Դժվար է խաղից հետո խոսել: Ինձ թվում է, որ այս խաղը մեր այս տարվա լավագույն հանդիպումն էր: Մենք երկրորդ խաղակեսում ավելի լավ սկսեցինք խաղալ: Ես եւ տղաները գոհ ենք մեր այս խաղից:

Այն փոփոխությունները, որ արեցինք արդարացված էին: Մանուչարյանն էլ ճիշտ ժամանակին մտավ խաղադաշտ: Մի մոռացեք սա Իտալիան է: Վերջերս Դել Բոսկեն արտահայտվել էր Իտալիայի մասին, թե Իտալիան տակտիկապես իրենց հաղթեց: Իմ առաջին տպավորությունն է, որ լավ ենք խաղացել: Միայն խաղի վերջում գիտակցություն եկավ, որ պարտվեցինք:
Կան խաղացողներ, ովքեր սխալվեցին: Բայց ես գնահատում եմ թիմային խաղը: Գոլերը բաց թողեցինք պաշտպանության պատճառով:

Խաղից առաջ վստահ չէի միայն ձախ պաշպտանի դիրքի համար: Առանձին ֆուտբոլիստների չեմ նշի:

Խաղի ընթացքն այնպես էր, որ երկու թիմերն էլ կարող էին հաղթել, բայց հաղթեց Իտալիան, որը կարգով ավելի բարձր էր: Տղաներն անկաշկանդ էին խաղում: Սա ապագայի թիմ է: Պետք չէ շտապել, որպեսզի չընկնենք»,- ասաց Վարդան Մինասյանը:

Հիշեցնենք, որ աշխարհհի առաջնության ընտրական փուլի երրորդ տուրում Հայաստանի հավաքականը 1։3 հաշվով պարտվեց իտալացիներին։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով