Տոկիո-2020. Dream team-ը եզրափակիչում է

Ճապոնիայի մայրաքաղաք Տոկիոյում շարունակվող 32-րդ ամառային Օլիմպիական խաղերի բասկետբոլի տղամարդկանց մրցաշարի եզրափակիչի առաջին մասնակիցը դարձավ ԱՄՆ-ի հավաքականը:

Կիսաեզրափակիչում գործող օլիմպիական չեմպիոնը 97:78 (18:24, 24:21, 32:10, 23:23) հաշվով ուժեղ գտնվեց Ավստրալիայի հավաքականից, որը հանդիպման ընթացքում ուներ 15 միավորի առավելություն:

Հանդիպման ամենաարդյունավետ խաղացող ճանաչվեց ամերիկյան «Բրուքլինի» առաջատար Կևին Դյուրանտը, որն ԱՄՆ-ի հավաքականի կազմում վաստակեց 23 միավոր:

Եզրափակիչի մյուս ուղեգիրն օգոստոսի 5-ին կվիճարկեն Սլովենիայի ու խմբային փուլում ամերիկացիներին հաղթած Ֆրանսիայի հավաքականները:

Հիշեցնենք, որ բասկետբոլի տղամարդկանց ԱՄՆ-ի հավաքականը հաղթել է նախորդ 3 Օլիմպիական խաղերում:

Հետևեք NEWS.am SPORT-ին Facebook-ում, Twitter և Telegram-ում