21:36  ,  14 ապրիլի, 2021

Եվրո-2020-ի հանդիպումները Հռոմում կանցկացվեն երկրպագուների ներկայությամբ

ՈւԵՖԱ-ն հաստատել է, որ Հռոմում կանցկացվեն Եվրոպայի առաջնության եզրափակիչ մրցաշարի (Եվրո-2020) հանդիպումներ։

Իտալիայի եւ Հռոմի իշխանությունները երաշխավորել են երկրպագուների ներկայություն հանդիպումներին «Օլիմպիական» ստադիոնի առնվազն 25 տոկոսի չափով, հաղորդում է ՈւԵՖԱ-ի կայքը։

Նշվում է, որ հանդիպումների տոմսեր գնած օտարերկրացիների մուտքը Իտալիա երաշխավորված չէ, եթե հունիս-հուլիսին այդ երկրում լինեն մուտքի սահմանափակումներ կորոնավիրուսի համավարակի հետեւանքով։

Մեկ տարով հետաձգված Եվրոպայի առաջնությունը նախատեսված է անցկացնել հունիսի 11-ից հուլիսի 12-ը Լոնդոնում, Մյունխենում, Կոպենհագենում, Ամստերդամում, Հռոմում, Դուբլինում, Բուդապեշտում, Գլազգոյում, Բիլբաոյում, Սանկտ Պետերբուրգում, Բուխարեստում, Բաքվում։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Այս թեմայով