Հայաստանի ազգային հավաքականի և Կիպրոսի «Անորտոսիսի» պաշտպան Հովհաննես Համբարձումյանը NEWS.am Sport-ի թղթակցի հետ զրույցում մեկնաբանել է Քաթարում կայանալիք 2022թ. ֆուտբոլի աշխարհի առաջնության ընտրական փուլի վիճակահանության արդյունքները:
«Վիճակահանության մասին կասեմ, որ եթե վերջնական արդյունքում հավաքած լինենք բավականաչափ միավորներ, դա կնշանակի, որ այն հաջող էր մեզ համար: Եթե թույլ տաս, բոլոր թիմերն էլ կարողանում են խաղալ: Կփորձենք յուրաքանչյուր խաղում պայքարել միավորների համար: Եթե ստացի դա, իհարկե, կպայքարենք բարձր տեղերի համար»,- ասաց Հովհաննես Համբարձումյանը:
Ազգերի լիգայի C դիվիզիոնի խմբային փուլի վերջին՝ 6-րդ տուրի խաղում Հայաստանի հավաքականը հենց Հովհաննես Համբարձումյանի միակ գոլի շնորհիվ հաղթեց Հյուսիսային Մակեդոնիային և, երկրորդ խմբում գրավելով առաջին տեղը, նվաճեց B դիվիզիոնի ուղեգիր: 30-ամյա ֆուտբոլիստի խոսքով, դա իր կարիերայի ամենակարևոր գոլն էր:
«Վստահորեն կարող եմ ասել, որ դա կարիերայիս ամենակարևոր գոլն էր: Շատ ուրախ եմ, որ կարողացանք առաջին անգամ հաղթել պաշտոնական մրցաշարում ու նվաճել B դիվիզիոնի ուղեգիր: Հուսով եմ՝ կկարողանանք հաջող խաղ ցուցադրել նաև հաջորդ փուլում»,- ասաց Հովհաննես Համբարձումյանը:
Հիշեցնենք, որ ԱԱ-2022-ի ընտրական փուլում Հայաստանի հավաքականն ընդգրկվել է J խմբում, որտեղ կմրցի Գերմանիայի, Ռումինիայի, Իսլանդիայի, Հյուսիսային Մակեդոնիայի և Լիխտեյնշտեյնի հավաքականների հետ:
Դավիթ Եղիազարյան
Ֆոտո՝ ՀՖՖ
Հետևեք NEWS.am SPORT-ին Facebook-ում, Twitter և Telegram-ում
20:33 , 27 ապրիլի 
19:41 , 27 ապրիլի 
19:25 , 27 ապրիլի 
19:05 , 27 ապրիլի 
18:33 , 27 ապրիլի 
18:15 , 27 ապրիլի 
17:57 , 27 ապրիլի 
17:24 , 27 ապրիլի 
17:00 , 27 ապրիլի 
16:46 , 27 ապրիլի 
