20:38  +04,  18 հուլիսի, 2020

Յանա Եգորյանը կոչ է արել Մոսկվայում գնել հայկական գյուղմթերքը

Ես անտարբեր չեմ Հայաստանի եւ Ադրբեջանի միջեւ լարված իրավիճակի նկատմամբ: Չեմ մեկնաբանում ոչ թե նրա համար, որ «թքած» ունեմ, այլ որովհետեւ իմ մեկնաբանություններով ոչինչ չի փոխվի: Շատ ադրբեջանցի ընկերներ ունեմ, որոնք ինձ նման չեն ցանկանում, որ պատերազմ լինի:

Այս մասին Instragam-ի ուղիղ եթերում ասել է Ռիո-2016-ի Օլիմպիական խաղերի կրկնակի չեմպիոն, սուսերամարտի Ռուսաստանի հավաքականի անդամ Յանա Եգորյանը՝ անդրադառնալով հայ-ադրբեջանական սահմանագծում տեղի ունեցող ռազմական գործողություններին։

Կրկնակի օլիմպիական չեմպիոնը նաեւ հանդես է եկել նախաձեռնությամբ Ռուսաստանում այս օրերին գյուղմթերքի վաճառքի հետ կապված խնդրի վերաբերյալ:

«Ողջույն: Ես կարեւոր ինֆորմացիա ունեմ հաղորդելու: Շատերին է հայտնի, որ այս օրերին շատ լարված է իրադրությունը Հայաստանի եւ Ադրբեջանի միջեւ: Այս կապակցությամբ ինձ շատերն են գրում, թե ինչու որեւէ մեկնաբանությամբ հանդես չեմ գալիս:

Ես չեմ մեկնաբանում այս իրավիճակը, ոչ թե նրա համար որ «թքած» ունեմ, այլ որովհետեւ կարծում եմ՝ իմ մեկնաբանություններով ոչ մի հարց չի լուծվի եւ ոչինչ չի փոխվի: Ցավոք, երկու կողմերից էլ զոհեր կան, մարդիկ են մահանում, մարդիկ են տանջվում, սովորական մարդիկ, որոնք ցանկանում են ուղղակի ապրել եւ չմտածել պատերազմի մասին:

Օրերս էլ հայտնի դարձավ, որ «Ֆուդ Սիթի» խանութների ցանցը Մոսկվայում արգելել է հայկական գյուղմթերքի վաճառքը: Եվ հիմա մեծ քանակությամբ բեռնատարներ հայկական գյումթերքով բարձված կանգնած են ճանապարհներին եւ չգիտեն՝ ինչ անել իրենց մթերքով: Այնպիսի իրավիճակ է ստեղծվել, որ գյուղմթերքը պետք է ինչ-որ կերպ սպառել, թեկուզ եւ ինքնարժեքով, որպեսզի ներկրողները մեծ վնասներ չկրեն:

Ես այժմ մեկնում եմ այն վայրը, որտեղ անմիջապես բեռնատարներից վաճառում են մրգերը, գյուղմթերքը եւ պատրաստվում եմ գնել այնքան մթերք, որքան տեղ կանի մեքենայումս: Գնումներս Խիմիկիում՝ իմ բնակավայրում, կբաժանեմ մարդկանց հենց այնպես:

Հուսամ՝ կոչիս կմիանան շատերը, եկեք միասին օգնենք այն մարդկանց, որոնք այդքան մեծ ջանք են գործադրել, հավաքել, կազմակերպել, բերել հասցրել են Մոսկվա:

Հարգացնքներով Ձեր Յանա Եգորյան, մարդ ով անտարբեր չէ հայ-ադրբեջանական սահամանագծում տեղի ունեցող իրադարձություններին: Ես չեմ ցանկանում, որ պատերազմ լինի, ուզում եմ, որ բոլորն ապրեն խաղաղ:

Ես շատ ադրբեջանցի ընկերներ ունեմ, որոնք նույնպես մտածում են այնպես, ինչպես ես: Նրանք նույնպես կարծում են, որ այս պատերազմը ոչ մեկին պետք չէ: Բոլորն էլ ուզում են ապրել խաղաղ երկնքի տակ, տեսնել՝ ինչպես են մեծանում իրենց որդիները: Եկեք լինենք բարի»,- ասել է Յանա Եգորյանը:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ