23:45  +04,  18 փետրվարի, 2020

«Բարսելոնան» համաձայնության է եկել «Լեգանեսի» հարձակվողի հետ

Իսպանական «Լեգանեսի» և Դանիայի ազգային հավաքականի հարձակվող Մարտին Բրեյթուայթը, ամենայն հավանականությամբ, մարզական կարիերան կշարունակի կատալոնական «Բարսելոնայում»:

Berlingske tiende-ի հաղորդմամբ՝ «Բարսելոնան» համաձայնության է եկել Բրեյթուայթի հետ ֆուտբոլիստի անձնական պայմանագրի կետերի հարցում:

Առաջիկա օրերի ընթացքում Իսպանիայի չեմպիոնի ղեկավարությունն ավարտին կհասցնի բանակցությունները նաև «Լեգանեսի» հետ և կվճարի 28-ամյա հարձակվողի պայմանագրով նախատեսված հրաժարագինը՝ 18 միլիոն եվրո:

Իսպանիայի ընթացիկ առաջնությունում Բրեյթուայթը մասնակցել է 24 հանդիպման՝ դառնալով 6 գոլի ու 2 գոլային փոխանցման հեղինակ:

Ավելի վաղ հայտնի էր դարձել, որ Լա Լիգան Ուսման Դեմբելեի ստացած վնասվածքի պատճառով թույլ է տվել կատալոնական ակումբին 2 շաբաթվա ընթացքում նոր հարձակվող ձեռք բերել:

«Բարսելոնան» 15 օր ունի Լա Լիգայի ակումբներից խաղացողի գնելու կամ ազատ գործակալի կարգավիճակ ունեցող ֆուտբոլիստի հետ պայմանագիր կնքելու համար։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ