22:25 , 2 փետրվարի, 2020

«Տոտենհեմը» հաղթեց «Մանչեսթեր Սիթիին» (ֆոտո)

SONNYYYYYYY!!!!

#THFC 2-0 #MCFC pic.twitter.com/V917cZhRkU
— Tottenham Hotspur (@SpursOfficial) February 2, 2020

Անգլիայի առաջնության 25-րդ տուրում «Տոտենհեմը» Լոնդոնում մրցեց չեմպիոն «Մանչեսթեր Սիթիի» հետ։ Պորտուգալացի Ժոզե Մոուրինյոյի գլխավորած թիմն առավելության հասավ 2։0 հաշվով։

«Տոտենհեմի» կազմում երկրորդ խաղակեսում աչքի ընկան նորամուտը նշած հոլանդացի հարձակվող Սթիվեն Բերգվեյնն ու հարավկորեացի հարձակվող Սոն Հին Մինը։

40-րդ րոպեին հաշիվը կարող էր բացել «Մանչեսթեր Սիթիի» կիսապաշտպան Իլկայ Գյունդոգանը, սակայն Գերմանիան ներկայացնող ֆուտբոլիստը չկարողացավ արդյունավետ իրացնել 11 մետրանոցը։

Կատալոնացի Խոսեպ Գվարդիոլայի գլխավորած թիմը 60-րդ րոպեից հանդես եկավ 10 ֆուտբոլիստներով։ Երկրորդ դեղին քարտի համար հեռացվեց ուկրաինացի պաշտպան Ալեքսանդր Զինչենկոն։

«Մանչեսթեր Սիթին» 51 միավորով մնաց երկրորդ տեղում եւ արդեն 22 միավոր հետ է առաջատար «Լիվերպուլից»։ «Տոտենհեմը» 37 միավորով բարձրացավ 5-րդ տեղ՝ շրջանցելով «Շեֆիլդ Յունայթեդին», «Մանչեսթեր Յունայթեդին» եւ «Վուլվերհեմփթոնին»։

Անգլիայի առաջնություն, 25-րդ տուր

«Տոտենհեմ» - «Մանչեսթեր Սիթի»՝ 2։0 (տեսանյութ)

Սթիվեն Բերգվեյն, 63, Սոն Հին Մին, 71

Չիրացրած 11մ՝ Իլկայ Գյունդոգան («Մանչեսթեր Սիթի»), 40

Հեռացում՝ Ալեքսանդր Զինչենկո («Մանչեսթեր Սիթի»), 60, երկրորդ դեղին քարտ