19:43  +04,  15 հունվարի, 2020

«Ռեալը» կողմնորոշվել է նոր կենտրոնական հարձակվողի թեկնածուի հարցում

Մադրիդի «Ռեալն» ամառային տրանսֆերային պատուհանի ընթացքում կփորձի պայմանագիր կնքել գերմանական «Լայպցիգի» հարձակվող Տիմո Վերների հետ, տեղեկացնում է Sky Sports-ը:

Աղբյուրի հաղորդմամբ՝ «Ռեալի» գլխավոր մարզիչ Զինեդին Զիդանը գոհ չէ թիմի հարձակվողներ Լուկա Յովիչի և Մարիանո Դիասի խաղից և ցանկանում է բարձրակարգ կենտրոնական հարձակվող ունենալ իր տրամադրության տակ:

23-ամյա գերմանացի հարձակվողի տեղափոխության դիմաց «Ռեալը» ստիպված կլինի վճարել շուրջ 60 միլիոն եվրո:

Ընթացիկ մրցաշրջանում Վերները «Լայպցիգի» կազմում մասնակցել է 25 հանդիպման՝ դառնալով 23 գոլի և 8 գոլային փոխանցման հեղինակ:

Վերների պայմանագիրը «Լայպցիգի» հետ նախատեսված է մինչև 2023 թվականի հունիս:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: