Ռոման Բերեզովսկի. Ավարտում եմ կարիերաս ազգային հավաքականում

Որոշել եմ ավարտել խաղացողի կարիերաս, հայտարարել է ֆուտբոլի Հայաստանի ազգային հավաքականի դարպասապահ Ռոման Բերեզովսկին։

«Խոստովանում եմ, որ ամեն ինչ տեղի ունեցավ շատ անսպասելի։ Ես ծրագրում էի շարունակել խաղալ, սակայն պորտուգալացիների դեմ Հայաստանի հավաքականի խաղից հետո փոխեցի ծրագրերս։

Նախկինում էլ կային այդպիսի մտքեր, սակայն Պորտուգալիայի հետ հանդիպումը մտածելու մեծ նյութ տվեց։ Ցավոք, մեր ազգային հավաքականը վերջին շրջանում ցուցադրում է թույլ արդյունքներ։ Մեղքի մեծ մասը համարում եմ իմը, քանի որ շատ հանդիպումների ընթացքում մենք բաց էինք թողնում խաղի թելը եւ կորցնում կարեւորագույն միավորներ։ Եթե դարպասապահի դիրքը զբաղեցնի մեկ ուրիշը, հնարավոր է՝ հավաքականի համար ավելի լավ լինի։

Ավելի լավ է լինել հեռանկարային մարզիչ, քան ծերացող մարզիկ։ Հայաստանի ազգային հավաքականի նոր գլխավոր մարզիչ Սարգիս Հովսեփյանի հետ հանդես ենք եկել «Զենիթում», իրար լավ ենք ճանաչում։ Երկար ենք խոսել, բայց Սարգիսը հույս ուներ, որ ես դեռ կկարողանամ օգնել հավաքականին։ Ես էլ չէի ցանկանում հրաժեշտ տալ ազգային թիմին, որը վաղուց հարազատ է դարձել։ Ես հավաքականում հանդես էի գալիս 19 տարի, միշտ զգացել եմ երկրպագուների, մարզիչների եւ թիմակիցների ջերմ վերաբերմունքը։ Վստահ եմ, որ որեւէ ձեւ կշարունակենք համագործակցությունը»,- Բերեզովսկու խոսքը մեջբերում է պետերբուրգյան nvspb-ն։

Ռոման Բերեզովսկին այժմ աշխատում է «Դինամոյի» երիտասարդական կազմի մարզչական շտաբում։

Հետևեք NEWS.am SPORT-ին Facebook-ում, Twitter և Telegram-ում