Իտալական «Լացիոյի» նախագահ Կլաուդիո Լոտիտոն հայտարարել է, որ հրաժարվել է վաճառել թիմի 23-ամյա սերբ կիսապաշտպան Սերգեյ Միլինկովիչ-Սավիչին 160 միլիոն եվրոյով:
«Մենք ցանկանում ենք կառուցել հաղթող թիմ եւ շարունակել ուժեղացնել կազմը: Եթե այլ ծրագրեր ունենայի, ապա կվաճառեի Միլինկովիչ-Սավիչին 160 միլիոն եվրոյով, սակայն ես չարեցի դա: Չեմ կարծում, որ որեւէ այլ ֆուտբոլային ակումբի նախագահ այդպիսի իրավիճակում նման որոշում կընդուներ»,- Լոտիտոյի խոսքը մեջբերում է Football Italia-ն:
Իտալիայի ընթացիկ առաջնությունում Միլինկովիչ-Սավիչը մասնակցել է 18 հանդիպման, խփել երեք գոլ, կատարել մեկ գոլային փոխանցում:
Հետևեք NEWS.am SPORT-ին Facebook-ում, Twitter և Telegram-ում