13:10  ,  16 նոյեմբերի, 2018

Դավիդ Նալբանդյանը հանդիպել է Մեսիին ու Պիկեին (ֆոտո)

Աշխարհի նախկին երրորդ ռակետ, հայկական արմատներով արգենտինացի Դավիդ Նալբանդյանը թվիթերյան էջում լուսանկարներ է հրապարակել «Բարսելոնայի» ֆուտբոլիստներ Լիոնել Մեսիի ու Ժերեր Պիկեի հետ:

«Շնորհակալություն Մեսիին ու Պիկեին, որ մեզ ընդունեցին իրենց մարզմանը: Դա նկատելի չէր, սակայն Թեոն հիացած է»,- գրել է Նալբանդյանը:

Հիշեցնենք, որ Դավիդ Նալբանդյանը թենիսիստի կարիերան ավարտել էր 2013 թվականին: Կարիերայի ընթացքում նա նվաճել է 11 տիտղոս, 3 անգամ խաղացել «Մեծ սաղավարտի» մրցաշարի կիսաեզրափակիչներում, մեկ անգամ՝ եզրափակիչում:

Վերջին շրջանում նա զբաղվում է ավտոսպորտով եւ մասնակցում է ավտոռալիի մրցումների:

Հետևեք NEWS.am SPORT-ին Facebook-ում, Twitter և Telegram-ում