Ռուսաստանի առաջին ռակետ Կարեն Խաչանովը թենիսի Դեւիսի գավաթի խաղարկության առաջին խմբի փլեյ-օֆֆում մենախաղի երկրորդ հանդիպումն է անցկացրել Ռուսաստան – Բելառուս դիմակայությունում: Խաչանովը 6:2, 6:4 հաշվով պարտության է մատնել Իլյա Իվաշկոյին: Պայքարը տեւել է 1 ժամ 12 րոպե:
Ընդհանուր հաշիվը հավասար է՝ 2:2: Խաչանովը Անդրեյ Ռուբլյովի հետ զուգախաղում 5:7:3:6 հաշվով պարտվել էր Մաքսիմ Միրնի - Անդրեյ Վասիլեւսկի զույգին:
Առաջին խմբից դուրս չմնալու համար Ռուսաստանին կփրկի մենախաղի վերջին խաղում Դանիիլ Մեդվեդեւի հաղթանակը Եգոր Գերասիմովի նկատմամբ:
Հիշեցնենք, որ մենախաղի առաջին դիմակայությունում Կարեն Խաչանովը հաղթել էր Գերասիմովին:
Հետևեք NEWS.am SPORT-ին Facebook-ում, Twitter և Telegram-ում