UFC-ն ներկայացրել է թեթեւ քաշային կարգում չեմպիոն, ռուսաստանցի Խաբիբ Նուրմագոմեդովի եւ 2 քաշային կարգերում նախկին չեմպիոն, իռլանդացի Քոնոր Մաքգրեգորի միջեւ մենամարտի պաշտոնական պաստառը:
2 մարտիկների աչքերում պատկերված են նրանց երկրների դրոշները: Մենամարտի կարգախոսն է՝ «Նրանց հետեւում է ամբողջ աշխարհը»:
Հիշեցնենք, որ Նուրմագոմեդովի ու Մաքգրեգորի միջեւ մենամարտը կկայանա հոկտեմբերին 6-ին Լաս Վեգասում: Ռուսաստանցի մարտիկը UFC-ի չեմպիոն դարձել է ապրիլի 7-ին, երբ մրցավարների միաձայն որոշմամբ հաղթեց Էլ Յակվինտային։ Մաքրեգորի դեմ մենամարտում Նուրմագոմեդովն առաջին անկամ կփորձի պաշտպանել տիտղոսը:
Քոնոր Մաքրեգորը UFC-ում հանդես չի գալիս 2016-ից: 2017-ին իռլանդացին պրոֆեսիոնալ բռնցքամարտի կանոններով մենամարտեց 5 քաշային կարգերում աշխարհի չեմպիոն Ֆլոյդ Մեյվեզերի հետ եւ պարտվեց տեխնիկական նոկաուտով։
Հետևեք NEWS.am SPORT-ին Facebook-ում, Twitter և Telegram-ում