Մադրիդի «Ռեալի» բրազիլացի պաշտպան Մարսելոն չի կարծում, որ Արքայական թիմի խնդիրը կազմի հետ է կապված: Այդ մասին նա ասել է Եվրոպայի Սուպերգավաթի խաղում Մադրիդի «Աթլետիկոյին» լրացուցիչ ժամանակում 2:4 հաշվով պարտվելուց հետո:
«Մենք պետք է փոխենք մեր մտածողությունը, առջեւում երկար մրցաշրջան է: Ես պատասխանատու չեմ տրանսֆերների համար, բայց կարծում եմ, որ ունենք լավ կազմ:
Իսկ Եվրոպայի Սուպերգավաթի խաղում հաղթեց այն թիմը, որն ավելի քիչ սխալվեց: Մենք լավ ֆուտբոլ ցույց տվեցինք մինչեւ լրացուցիչ ժամանակ»,- Մարսելոյի խոսքը մեջբերում է AS-ը:
Իսպանիայի առաջնության առաջին տուրում «Ռեալը» օգոստոսի 19-ին կընդունի «Խետաֆեին»:
Հետևեք NEWS.am SPORT-ին Facebook-ում, Twitter և Telegram-ում