Ազգային ժողովի պատգամավոր Արթուր Գեւորգյանը վերընտրվեց Հայաստանի բռնցքամարտի ֆեդերացիայի նախագահի պաշտոնում:
Հայաստանի բռնցքամարտի ֆեդերացիայի 12-րդ համաժողովում առաջադրված միակ թեկնածուն գործող նախագահն էր։ Գեւորգյանն ընտրվեց 58 կողմ, 0 դեմ, 0 ձեռնպահ ձայներով, փոխանցում է NEWS.am Sport-ի թղթակիցը:
Արթուր Գեւորգյանը 2013 թվականի նոյեմբերից է զբաղեցնում Հայաստանի բռնցքամարտի ֆեդերացիայի նախագահի պաշտոնը, որում նա փոխարինել էր Արման Մուրադյանին:
ՀԲՖ համաժողովին ներկա էր նաեւ պրոֆեսիոնալ բռնցքամարտի կանանց թեթեւագույն քաշային կարգում WBA վարկածով աշխարհի չեմպիոն Սյուզի Կենտիկյանը:
Հետևեք NEWS.am SPORT-ին Facebook-ում, Twitter և Telegram-ում